Լոնդոնի «Չելսիի» գլխավոր մարզիչ Գրեմ Փոթերը հայտարարել է, որ թիմի գաբոնցի հարձակվող Պիեռ-Էմերիկ Օբամեյանգի ապագայի մասին նորություններ չունի:
«Ես ոչինչ չգիտեմ Օբամեյանգի ապագայի մասին: Նորություններ չկան: Նա շատ լավ մարզում է անցկացրել մեզ հետ»,- Փոթերի խոսքը մեջբերում է լրագրող և ինսայդեր Ֆաբրիցիո Ռոմանոն:
33-ամյա ֆուտբոլիստը կորցրել է տեղը անգլիական ակումբի հիմնական կազմում: Ավելի վաղ Օբամեյանգը չէր ընդգրկվել Չեմպիոնների լիգայի փլեյ-օֆֆի համար «Չելսիի» ներկայացրած հայտացուցակում:
Հիշեցնենք, որ Օբամեյանգը նախորդ տարվա սեպտեմբերի 1-ից է խաղում «Չելսիում», որի կազմում ընթացիկ մրցաշրջանում մասնակցել է 17 խաղի, խփել երեք գոլ և կատարել մեկ արդյունավետ փոխանցում:
