Fastex Հայաստանի Պրեմիեր լիգայի գործող հաղթող «Փյունիկն» ընկերական խաղում 4-0 հաշվով հաղթել է ղազախական «Մակտարալին»:
Հայաստանի չեմպիոնը փետրվարի 4-ին ևս մեկ ստուգողական հանդիպում կանցկացնի՝ մրցելով ուկրաինական «Վերեսի» հետ: Խաղը կմեկնարկի Երևանի ժամանակով 19:00-ին:
Fastex Հայաստանի Պրեմիեր լիգայի ընթացիկ մրցաշրջանում երևանյան ակումբն անցկացրել է 19 խաղ ու 34 միավորով երրորդ տեղում է:
Ուկրաինայի առաջնության 15 տուրից հետո «Վերեսը» 17 միավորով 10-րդն է:
Fastex Հայաստանի Պրեմիեր լիգայի գարնանային հատվածի մեկնարկից առաջ ստուգողական հանդիպումներ են անցկացրել նաև մյուս ակումբները: «Արարատը» 3-3 հաշվով է ավարտել «Նոայի» դեմ ընկերական խաղն, իսկ Չարենցավանի «Վանը» նվազագույն հաշվով հաղթել է Երևանի ԲԿՄԱ-ին:
Արարատի կազմում դուբլ է ձևակերպել կոտդիվուարցի Մուհամեդ Կոնեն, մեկ անգամ էլ աչքի է ընկել բոսնիացի հարձակվող Ալեքսանդր Գլիշիչը:
«Նոայի» գոլերը խփել են հարձակվողներ Կարեն Մուրադյանն ու նիգերիացի Իգբոկուե Գուդնյուզը և փորձաշրջան անցնող ֆուտբոլիստներից մեկը:
ԲԿՄԱ - «Վան» խաղում միակ գոլը խփել է Չարենցավանը ներկայանցող թիմի կիսապաշտպան Պավել Գորելովը:
