Fastex Հայաստանի Պրեմիեր լիգայի փոխչեմպիոն Երևանի «Փյունիկը» և նիգերիացի հարձակվող Յուսուֆ Օտուբանջոն երկարաձգել են պայմանագիրը մինչև 2025 թվականը, հաղորդում է ակումբի մամուլի ծառայությունը:
«Հիանալի զգացողություն է շարունակել ճանապարհը «Փյունիկի» հետ: Դուք հիշում եք` ինչ հաջողությունների հասանք մենք նախորդ մրցաշրջանում:
Այդ ամենին հնարավոր եղավ հասնել, քանի որ մենք բոլորս միասնական էինք` երկրպագուներից մինչև ֆուտբոլիստներ ու մարզիչներ:
Եվ առջևում նոր մրցաշրջանն է ու ձեզ կոչ ենք անում լինել մեր կողքին, քանի որ ձեր շնորհիվ մենք կարող էլ ավելիին հասնել»,- Օտուբանջոյի խոսքը մեջբերում է ակումբի մամուլի ծառայությունը:
Հիշեցնենք, որ 30-ամյա ֆուտբոլիստը «Փյունիկ» է տեղափոխվել 2022 թվականի ամռանն «Արարատ-Արմենիայից» և անցկացրել իր ամենաարդյունավետ մրցաշրջանը Հայաստանում` 32 խաղում դառնալով 18 գոլի և 5 արդյունավետ փոխանցման հեղինակ:
