«Մանչեսթեր Յունայթեդը» Պոլ Պոգբային խնդրել է չշտապել ապագայի վերաբերյալ որոշում կայացնելու հարցում:
Ինչպես հաղորդում է ESPN-ը, «կարմիր սատանաների» ղեկավարությունը ֆրանսիացուն խնդրել է սպասել մինչև նոր գլխավոր մարզչի նշանակումը: Ակումբի ղեկավարությունը հույս ունի, որ կիսապաշտպանը հավանություն կտա նոր մարզչի թեկնածությանն ու չի հեռանա:
Հիշեցնենք, որ Պոգբայի պայմանագրի ժամկետն ավարտվում է 2022 թվականի հունիսի 30-ին, որից հետո նա կստանա ազատ գործակալի կարգավիճակ:
Ըստ ՈՒԵՖԱ-ի կանոնակարգի՝ պայմանագրի լրանալուց 6 ամիս առաջ ֆուտբոլիստն իրավունք ունի առանց ակումբին տեղեկացնելու բանակցել ցանկացած թիմի հետ:
Նշվում է նաև, որ 28-ամյա ֆուտբոլիստը դեռևս չունի կարիերան շարունակելու նախընտրելի տարբերակ:
