Լիսաբոնի «Բենֆիկայից» հեռացած իտալացի կիսապաշտպան Շեր Նդուրն ազատ գործակալի կարգավիճակում տեղափոխվել է ֆրանսիական ՊՍԺ:
Կողմերը կնքել են 5 տարվա պայմանագիր, իսկ 18-ամյա ֆուտբոլիստն ընտրել է «27» համարի մարզաշապիկը:
«Հիմա տարբեր զգացողություններ ունեմ, բայց դրանցից գլխավորը երջանկությունն է, քանի որ ՊՍԺ-ն աշխարհի լավագույն ակումբներից մեկն է, այստեղ շատ չեմպիոններ են խաղում: Այս նոր ընտանիքի մաս կազմելը պատիվ է ինձ համար»,- Նդուրի խոսքը մեջբերում է փարիզյան ակումբի մամուլի ծառայությունը:
Իտալիայի երիտասարդական հավաքականի ֆուտբոլիստը Պորտուգալիայի ավարտված առաջնությունում «Բենֆիկայի» կազմում մասնակցել է 1 հանդիպման:
