«Պարի Սեն-Ժերմենը» պատրաստ է մեծ թվով ֆուտբոլիստներից բաժանվել, որպեսզի փոխհատուցի ապագա ծախսերը, որոնք կատարելու է ընթացիկ տրանսֆերային պատուհանի ընթացքում ձեռք բերված աստղային խաղացողների աշխատավարձերը վճարելու համար:
L’Equipe-ը տեղեկացնում է, որ փարիզցիները համաձայն են բաժանվել ցանկացած ֆուտբոլիստից, բացի «անձնեռնմխելի վեցնյակից»:
Նախկինում անձեռնմխելիների ցանկում էին Նեյմարը, Կիլիան Մբապեն, Անխել Դի Մարիան, Մարկինյոսը և Մարկո Վերատին, իսկ այժմ նրանց թվին է դասվում նաև Լիոնել Մեսին:
Այդուհանդերձ, ՊՍԺ-ն այս պահին կոնկրետ առաջարկ ունի միայն մեկ ֆուտբոլիստի վերաբերյալ: Լևերկուզենի «Բայերը» ցանկանում է ձեռք բերել պաշտպան Տիլո Կերերին:
Ընթացիկ տրանսֆերային պատուհանի ընթացքում ՊՍԺ են տեղափոխվել Լիոնել Մեսին, Սերխիո Ռամոսը, Ջանլուիջի Դոնարուման, Ջորջինյո Վեյնալդումը և Աշրաֆ Հակիմին:
«Մեսի Սեն Ժերմեն». 3 խնդիր, որոնց կբախվեն ՊՍԺ-ն ու Լեոն
