Ֆրանսիայի չեմպիոն ՊՍԺ-ի ռմբարկու Կիլիան Մբապեն մեկ ամսից քիչ ժամանակ ունի ապագայի վերաբերյալ որոշում կայացնելու համար:
Sky Sports-ի հաղորդմամբ՝ փարիզյան ակումբի ղեկավարութունը վերջնագիր է ներկայացրել է աշխարհի չեմպիոնին՝ հորդորելով մինչև 2023թ. հուլիսի 31-ը կողմնորոշվել. կամ նա պայմանագիրը կերկարաձգի առնվազն մեկ տարով, կամ կտեղափոխվի այն ակումբ, որը պատրաստ կլինի ավելի շատ գումար վճարել գործարքի համար:
24-ամյա ֆրանսիացու ծառայություններով լրջորեն հետաքրքրված է Մադրիդի «Ռեալը», սակայն տրանսֆերային պայքարին միացել է նաև անգլիական «Լիվերպուլը»:
Հիշեցնենք, որ Կիլիան Մբապեն ՊՍԺ-ի գույները պաշտպանում է 2017 թվականի հուլիսից և անցկացրած 260 խաղում խփել է 212 գոլ, կատարել 98 գոլային փոխանցում: Ֆրանսիայի ազգային հավաքականի ավագը փարիզյան ակումբի պատմության լավագույն ռմբարկուն է: Transfermarkt-ը 180 միլիոն եվրո է գնահատում Մբապեի տրանսֆերային արժեքը:
