Ֆրանսիացի կիսապաշտպան Պոլ Պոգբան կարծիք է հայտնել «Բարսելոնայի» երիտասարդ աստղ Լամին Յամալի խաղի վերաբերյալ, հաղորդում է կատալոնական Sport-ը:
«Նա անհավանական ֆուտբոլիստ է: Յամալն ունի մի հատկանիշ, որն ինձ ամենաշատն է զարմացնում. նրա ֆուտբոլային IQ-ն է, որն ամենևին էլ չի համապատասխանում նրա տարիքին:
Լամինը միշտ անում է այն, ինչ անհրաժեշտ է այդ պահին: Նրա տարիքի ֆուտբոլիստի համար ուղղակի խելահեղ է այդքան արագ ու ճիշտ որոշումներ կայացնելը: Յամալը փայլում է դաշտում՝ չկորցնելով սառնասրտությունը»,- ասել է Պոգբան, որը շուտով կարիերան կշարունակի Լիգա 1-ում:
