Ֆրանսիացի կիսապաշտպան Պոլ Պոգբան Թուրինի «Յուվենտուս» վերադառնալուց հետո կարող է անցկացնել առաջին հանդիպումը:
29-ամյա ֆուտբոլիստը ծնկի վիրահատությունից հետո մոտ է ընթացիկ մրցաշրջանում առաջին անգամ խաղադաշտ դուրս գալուն, հաղորդում է Sky Sport-ը։
Սպասվում է, որ Պոգբան խաղադաշտ կվերադառնա «Մոնցայի» դեմ Իտալիայի առաջնության 20-րդ տուրի հանդիպմանը, որը կկայանա հունվարի 29-ին:
Այդ մրցավեճում «Յուվենտուսի» կազմ կվերադառնա նաև սերբ հարձակվող Դուշան Վլախովիչը, որը չի խաղացել նախորդ տարվա հոկտեմբերի 25-ից հետո։
Հիշեցնենք, որ Պոգբան իտալական գրանդ էր վերադարձել նախորդ տարվա հուլիսին: Ֆրանսիայի հավաքականի ֆուտբոլիստը «Յուվենտուսում» խաղացել էր նաև 2012-2016 թվականներին:
