Պոլ Պոգբան սոցցանցերում տեսանյութ է հրապարակել, որտեղ նա Մադրիդի «Ռեալի» մարզաշապիկով մարզվում է Ամերիկյան ֆուտբոլի ազգային լիգան (NFL) ներկայացնող «Մայամի Դոլֆինսի» խաղացող Թայրիք Հիլի հետ։
Ֆրանսիացի ֆուտբոլիստն այժմ ԱՄՆ-ում է և անհատական մարզումների միջոցով մարզավիճակ է պահում։ Նա 2023 թ. սեպտեմբերից ի վեր դոպինգային սկանդալի պատճառով որակազրկված էր։ Կիսապաշտպանի պատիժը 18 ամսով էր, ժամկետը լրացել է այս տարվա մարտին։
Պոգբան կարիերան «Մոնակոյում» շարունակելու տարբերակ ունի։
