20-րդ տուրի հանդիպումներից հետո էլ ավելի սրվեց պայքարը չեմպիոնության համար: Օգտվելով «Արարատի» հերթական «սայթաքումից», «Ալաշկերտը» ստանձնեց միանձնյա առաջատարի դերը:
Տուրի ամենաուշագրավ իրադարձությունները ներկայացնում ենք 10 փաստի տեսքով:
1․ Դաշտի տերերն ու հյուրերը 2-ական հաղթանակ տոնեցին: Առաջնությունում կայացած 79 հանդիպումներում դաշտի տերերը 30 հաղթանակ են տոնել, հյուրերին հաջողությունն ուղեկցել է 29 անգամ, 20 խաղ ավարտվել է ոչ-ոքի:
Արտակ Եդիգարյանը միացավ Մխիթարյանին ու գործող ֆուտբոլիստներից ևս 4-ին․ Միանգամից 2 տպավորիչ ցուցանիշ
4 խաղում խփվեց 12 գոլ: Առաջնությունում կայացած 79 հանդիպումներում 171 գոլ է գրանցվել: Միջին արդյունավետությունը կազմում է 2,16 գոլ մեկ խաղում:
2. «Արարատը» 2-րդ անընդմեջ պարտությունը կրեց՝ զիջելով առաջատարի դիրքը: «Նոայի» հետ առաջնության վերջին 6 հանդիպումներում «Արարատին» չի հաջողվել հաղթել՝ կրելով 4 պարտություն, 2 խաղ ավարտելով ոչ-ոքի: Վերջին անգամ «Արարատը» «Նոային» հաղթել է 2019թ. սեպտեմբերի 15-ին Գեորգի Չելիձեի խփած միակ գոլի շնորհիվ:
3․ Ընթացիկ առաջնությունում «Նոան» երկրորդ անգամ կամային հաղթանակ տոնեց «Արարատի» նկատմամբ՝ այս անգամ տպավորիչ քամբեքի շնորհիվ: «Արարատի» հետ հանդիպումն ընթացիկ առաջնությունում «Նոայի» ամենագոլառատ խաղն էր, որում ընդհանուր առմամբ 5 գոլ խփվեց: Մինչ այդ «Նոայի» մասնակցությամբ խաղերում առավելագույնը 4 գոլ էր գրանցվել («Արարատ-Արմենիա»՝ 1-3, «Վան»՝ 4-0, «Լոռի»՝ 3-1):
4․ «Փյունիկն» ընթացիկ առաջնությունում խոշոր հաշվով անդրանիկ հաղթանակը տոնեց՝ առաջին անգամ մեկ խաղում 3 գոլ խփելով: Դա «Փյունիկի» առաջին հաղթանակն էր «Վանի» նկատմամբ, որի դարպասը գրավելու համար փյունիկցիներից 210 րոպե պահանջվեց:
5․ «Արարատ-Արմենիան» Անատոլի Բայդաչնու գլխավորությամբ առաջնությունում առաջին հաղթանակը տոնեց: Առաջնության գարնանային հատվածում դա չեմպիոնի 3-րդ հաղթանակն էր:
