Լոնդոնի «Տոտենհեմի» և Անգլիայի ազգային հավաքականի ավագ Հարի Քեյնը չի ցանկանում կարիերան շարունակել Ֆրանսիայի չեմպիոն ՊՍԺ-ում:
Telegraph Sport-ի համաձայն՝ 29-ամյա հարձակվողը մերժել է փարիզյան ակումբի առաջարկը:
Քեյնի ծառայություններով լրջորեն հետաքրքրված է Մյունխենի «Բավարիան» ու պատրաստվում է կատարել երրորդ առաջարկը: Ավելի վաղ Գերմանիայի չեմպիոնը տեղափոխության վերաբերյալ կատարել էր 2 առաջարկ (70 և 81 միլիոն), որոնք մերժվել էին:
Հիշեցնենք, որ ավարտված մրցաշրջանում անգլիացին «Տոտենհեմի» կազմում մասնակցել էր 48 խաղի, խփել 30 գոլ, կատարել 5 գոլային փոխանցում: Transfermarkt-ը 90 միլիոն եվրո է գնահատում նրա տրանսֆերային արժեքը:
