Բրիտանացի ռեժիսոր Լուիզ Ուորենը, ոգեշնչված քնած գեղեցկուհու մասին հին բարի հեքիաթից, կնկարահանի «Քնած գեղեցկուհին. Կոտորած» սարսափ ֆիլմը: Ֆիլմի շուրջ աշխատանքները կմեկնարկեն օգոստոսին, իսկ նոր ֆիլմը նախատեսվում է ցուցադրել մինչև այս տարվա վերջ։
Ի տարբերություն Ավրորայի, որն ընկերություն է անում անտառի բնակիչների հետ, երգում է թռչունների հետ և աշխարհին է նվիրում միայն լույս, ջերմություն և բարություն, ֆիլմի նոր հերոսուհին՝ արքայադուստր Թալիան, արթնանում է ոչ թե սիրո համբույրից, այլ վրեժխնդրության բուռն ծարավից:
Ուորենը խոստանում է, որ ֆիլմը կլինի «վախեցնող ու մռայլ»։
