«Չելսիի» կիսապաշտպան Քոլ Պալմերը չի հայտավորվել «Արսենալի» դեմ Անգլիայի Պրեմիեր լիգայի հերթական տուրի հանդիպմանը, հաղորդում է Goal-ը:
Ակնկալվում էր, որ Անգլիայի հավաքականի 22-ամյա ֆուտբոլիստը կլիներ «Չելսիի» մեկնարկային կազմում, սակայն նա վնասվածքի պատճառով չի հայտավորվել խաղին:
«Նախորդ շաբաթ նա հիվանդ էր: Երեկ, ցավոք, որոշ խնդիրներ ուներ: Կարծում եմ՝ միջազգային դադարից հետո Պալմերը կմիանա մեզ:
Պալմերը նախօրեի մարզմանն է վնասվածք ստացել: Կարծում ենք՝ խնդիրը լուրջ չէ»,- մեկնաբանելով Պալմերի բացակայությունը՝ ասել է «Չելսիի» գլխավոր մարզիչ Էնցո Մարեսկան:
«Արսենալ» - «Չելսի» խաղը կկայանա մարտի 16-ին և ժամը 17:25-ից կլինի «Ֆասթ Սպորտ»-ի ուղիղ եթերում:
