«Մեծ սաղավարտի» մրցաշարերի 22-ակի հաղթող, աշխարհի 6-րդ ռակետ, իսպանացի թենիսիստ Ռաֆայել Նադալը, որը Laureus-ի վարկածով տարվա լավագույն մարզիկի կոչման հավակնորդների թվում է, կարծում է, որ մրցանակը պետք է ստանա աշխարհի նորընծա չեմպիոն, Փարիզի ՊՍԺ-ի արգենտինացի հարձակվող Լիոնել Մեսին:
«Ինձ համար մեծ պատիվ է Laureus մրցանակի հավակնորդների թվում կրկին հայտվելը, սակայն այս տարի... Առա՛ջ Մեսի, դու արժանի ես»,- սոցցանցերում գրել է թենիսիստը:
Այս տարի Laureus մարզաշխարհի ամենամյա մրցանակաբաշխության գլխավոր մրցանակի համար կպայքարի 6 մարզիկ.
- Կիլիան Մբապե (ֆուտբոլ, Ֆրանսիա)
- Լիոնել Մեսի (ֆուտբոլ, Արգենտինա)
- Մաքս Ֆերստապեն (Ֆորմուլա-1, Նիդերլանդներ)
- Արման Դյուպլանտիս (ձողացատկ, Շվեդիա)
- Ռաֆայել Նադալ (թենիս, Իսպանիա)
- Ստեֆեն Կարի (բասկետբոլ, ԱՄՆ)
Հիշեցնենք, որ Ռաֆայել Նադալը պատվավոր մրցանակին արժանացել է 2011 թվականին:
