«Ռոմայի» գլխավոր մարզիչ Կլաուդիո Ռանիերին մեկնաբանել է թիմի հարձակվող Պաուլո Դիբալայի՝ «Գալաթասարայ» տեղափոխվելու մասին շշուկները:
«Յուրաքանչյուրն իր դերն ունի: Ուրախ եմ, որ Պաուլոն իմ թիմում է և խաղում է, եթե կարող է:
Եթե նա այլ առաջնահերթություններ ունի, ապա կողմերը պետք է պայմանավորվածության հասնեն: Եթե Դիբալան ցանկանում է հեռանալ, ապա միշտ դրա հնարավորությունը կա:
Ինձ հարկավոր են ֆուտբոլիստներ, որոնք ցանկանում են այստեղ լինել»,- իտալացի մարզչի խոսքն է մեջբերում Football Italia-ն:
Արգենտինացի հարձակվողը «Ռոմայում» է խաղում 2022 թվականից: Այս տարվա ամռանը նա մերժել էր Սաուդյան Արաբիայից ստացած հսկայական աշխատավարձով պայմանագիրը:
