Մեքսիկացի հարձակվող Ռաուլ Խիմենեսն անգլիական «Վուլվերհեմփթոնից» տեղափոխվել է «Ֆուլհեմ»: 32-ամյա ֆուտբոլիստը կնքել է 2 տարվա պայմանագիր՝ 12 ամսով երկարաձգելու հնարավորությամբ:
«Ինձ համար իրոք կարևոր էր այստեղ գալը: Կփորձեմ անել ամեն հնարավորն իմ ուժերի սահմանում: Ես ուրախ եմ այստեղ լինելու կապակցությամբ: Կփորձեմ անել ամեն ինչ, որպեսզի շարունակեմ գոլեր խփել Պրեմիեր լիգայում»,- Խիմենեսի խոսքը մեջբերում է լոնդոնյան ակումբի մամուլի ծառայությունը:
Հիշեցնենք, որ Խիմենեսը 2018 թվականին Լիսաբոնի «Բենֆիկայից» էր տեղափոխվել «Վուլվերհեմփթոն», որի կազմում 2022/23 մրցաշրջանում մասնակցել էր 20 հանդիպման, դարձել 1 գոլի հեղինակ: Transfermarkt-ը 6 միլիոն եվրո է գնահատում նրա տրանսֆերային արժեքը:
