Իսպանիայի Լա լիգայի 3-րդ տուրում «Ռեալ Սոսյեդադը» 0-0 հաշվով ավարտեց «Լաս Պալմասի» դեմ արտագնա հանդիպումը։
Բասկյան ակումբի կազմում նորամուտը նշեց թիմի նորեկ, Ռուսաստանի ազգային հավաքականի կիսապաշտպան Արսեն Զախարյանը, որը փոխարինման դուրս եկավ 75-րդ րոպեին։
Հիշեցնենք, որ Արսեն Զախարյանն օրեր առաջ է Մոսկվայի «Դինամոյից» տեղափոխվել «Ռեալ Սոսյեդադ», որի հետ կնքել է 6 տարվա պայմանագիր։ 20-ամյա ֆուտբոլիստի տրանսֆերի համար իսպանական ակումբը վճարել է 12 միլիոն եվրո։
Իսպանիայի առաջնություն, 3-րդ տուր
«Լաս Պալմաս» - «Ռեալ Սոսյեդադ»՝ 0-0
