տուր
01 Հունվար 1970 - 19:32
- Մադրիդի «Ռեալը» հետաքրքրված է «Տոտենհեմի» հարձակողական ոճի կիսապաշտպան Հյոն Մին Սոնի ծառայություններով:
Ինչպես հաղորդում է OK Diario-ն, 28-ամյա ֆուտբոլիստն Անգլիայում արդյունավետ ելույթների շնորհիվ զգալիորեն բարձրացրել է իր գնահատականն «Արքայական ակումբի» ղեկավարության աչքերում: Հարավկորեացին ներկա պահին 3-րդ տեղն է զբաղեցնում մադրիդցիների՝ հարձակման գիծն ուժեղացնելու թեկնածուների ցուցակում: «Ռեալը» նրանից բարձր է գնահատում միայն Էրլինգ Հալանդին («Բորուսիա Դորտմունդ») և Կիլիան Մբապեին (ՊՍԺ): Առաջնահերթ տարբերակը դեռևս համարվում է ֆրանսիացու տրանսֆերի գնումը:
Չեմպիոնների լիգայի 13-ակի գավաթակրի համար Սոնի հետ առաջնահերթության մոտավորապես նույն մակարդակի վրա են գտնվում նաև Սադիո Մանեն («Լիվերպուլ»), Ջեյդոն Սանչոն («Բորուսիա Դորտմունդ») ու հարավկորեացու ակումբակից Հարի Քեյնը:
Սոնը Պրեմիեր լիգայի ընթացիկ առաջնությունում մասնակցել է 16 հանդիպման (բոլոր դեպքերում՝ մեկնարկային կազմում)՝ դառնալով 12 գոլի և 5 արդյունավետ փոխանցման հեղինակ:
«Բորուսիայում» ասել են՝ երբ և որ ակումբ կտեղափոխվի Հալանդը
