Մադրիդի «Ռեալի» գերմանացի պաշտպան Անտոնիո Ռյուդիգերը հնարավոր է բաց թողնի կատալոնական «Բարսելոնայի» դեմ Իսպանիայի Արքայական գավաթի խաղարկության կիսաեզրափակիչի պատասխան հանդիպումը: Այդ մասին սոցցանցերում հայտնել է լրագրող Մարիո Կորտեյանան:
Գերմանիայի հավաքականի 30-ամյա ֆուտբոլիստը ծնկի հետ կապված խնդրի պատճառով բաց էր թողել «Վալյադոլիդի» դեմ Լա լիգայի 27-րդ տուրի տնային խաղը, որում «Արքայական ակումբը» հաղթել էր 6-0 հաշվով:
Հիշեցնենք, որ կիսաեզրափակիչի առաջին խաղում «Ռեալը» տանը 0-1 հաշվով պարտվել էր Լա լիգայի առաջատարին: Պատասխան հանդիպումը տեղի կունենա ապրիլի 5-ին «Բարսելոնայի» «Կամպ Նոու» ստադիոնում, մեկնարկը՝ Երևանի ժամանակով 23:00-ին:
