Մադրիդի «Ռեալի» վինգեր Արդա Գյուլերը զայրացած է, քանի որ չի ստանում անհրաժեշտ խաղաժամանակ, հայտնում է Footmercato-ն:
20-ամյա ֆուտբոլիստը մտադիր չէ համակերպվել ստեղծված իրավիճակի հետ և հայտնել է ակումբը լքելու ցանկության մասին:
Գյուլերին դուր չի գալիս, որ Անչելոտին քիչ է շփվում խաղացողների հետ և չի բացատրում կազմը ընտրելու որոշումները:
Ավելի վաղ իտալացի մասնագետը հայտարարել էր, որ երիտասարդ ֆուտբոլիստը քիչ է նվիրվում մարզումների ժամանակ և գնդակով գրեթե միշտ սխալ որոշումներ է կայացնում:
Թուրքիայի հավաքականի խաղացողի պայմանագիրն «Արքայական ակումբի» հետ ուժի մեջ է մինչև 2029 թվականը:
Գյուլերը Լա լիգայի այս մրցաշրջանում «Ռեալի» կազմում անցկացրել է 18 հանդիպում, խփել է 1 գոլ, կատարել 3 գոլային փոխանցում:
