Մադրիդի «Ռեալը» պաշտոնապես հայտարարել է թիմի ավագ Նաչո Ֆերնանդեսի հեռանալու մասին: Սպասվում է, որ իսպանացի կենտրոնական պաշտպանը կարիերան կշարունակի Սաուդյան Արաբիայում:

Նաչոն «Ռեալի» ակադեմիային միացել է 2001 թվականին: «Արքայական ակումբի» հիմնական թիմում նա մասնակցել է 364 խաղի:

««Ռեալը» միշտ Նաչոյի տունն է լինելու»,- իր հրաժեշտի խոսքում ասել է ակումբի նախագահ Ֆլորենտինո Պերեսը:

Նաչոն մադրիդցիների հետ 26 տիտղոս է նվաճել: Այս օրերին նա Իսպանիայի հավաքականի կազմում մասնակցում է Եվրո-2024-ին։