Մադրիդի «Ռեալի» կիսապաշտպան Ջուդ Բելինգհեմն ու հարձակվող Կիլիան Մբապեն չեն մասնակցի «Լեգանեսի» դեմ Իսպանիայի գավաթի խաղարկության քառորդ եզրափակիչի հանդիպմանը, ասել է Կառլո Անչելոտին ասուլիսի ժամանակ:
Անգլիացի ու ֆրանսիացի ֆուտբոլիստները թեթև վնասվածք ունեն, և Անչելոտին որոշել է նրանց վերականգնվելու հնարավորություն տալ, որպեսզի պատրաստ լինեն «Աթլետիկոյի» ու «Մանչեսթեր Սիթիի» դեմ խաղերին:
«Արքայական ակումբը» փետրվարի 4-ին նաև հայտնել էր, որ շարքից դուրս է մնացել Դավիդ Ալաբան: Նա վնասվածքի պատճառով բաց կթողնի 2-3 շաբաթ:
