«Սանտիագո Բեռնաբեու» ստադիոնում կայացել է Corazón Classic Match 12-րդ բարեգործական հանդիպումը: Այս անգամ մրցել են Մադրիդի «Ռեալի» և Դորտմունդի «Բորուսիայի» լեգենդները:
Խաղն ավարտվել է 3-3 հաշվով: «Արքայական ակումբից» գոլ են խփել Ժուլիո Բապտիստան, Տոնի Կրոսն ու Ռաուլը: Դորտմունդցիներից մրցակցի դարպասը գրավել են Սվեն Բենդերը, Լուկաս Բարիոսն ու Մարիսիո Ամորոզոն:
«Ռեալ». Կոնտրերաս, Սալգադո, Պեպե, Վարան, Ռոբերտո Կառլոս, Գրաներո, Իվան Կամպո, Կրոս, Մարսելո, Ռաուլ, Բապտիստա:
«Բորուսիա». Վայդենֆեյլեր, Հայնրիխ, Սոկրատիս, Լեյտներ, Պիշչեկ, Տոպրակ, Գրոսկրոյց, Կաստրո, Բենդեր, Ռիդլ, Ամորոսո:
