Իսպանիայի գործող չեմպիոն Մադրիդի «Ռեալն» ակտիվացրել է հետգնման կետը «Ռայո Վալյեկանոյի» իսպանացի պաշտպան Ֆրան Գարսիայի պայմանագրում, հայտնում է Marca-ն:
23-ամյա եզրային պաշտպանն «Արքայական ակումբի» սան է: Մադրիդյան ակումբների միջև կնքված պայմանագրում կա կետ, որը «Ռեալին» թույլ է տալիս 5 միլիոն եվրոյով վերադարձնել ֆուտբոլիստին:
Մադրիդյան գրանդը նման որոշում է կայացրել, որպեսզի կանխի Ֆրան Գարսիայի տեղափոխությունը Լևերկուզենի «Բայեր»: Իսպանիայի երիտասարդական հավաքականի ֆուտբոլիստը 2023-ի ամռանը կվերադառնա հարազատ ակումբ:
Ընթացիկ մրցաշրջանում Ֆրան Գարսիան «Ռայո Վալյեկանոյի» կազմում անցկացրած 20 խաղում կատարել է 2 գոլային փոխանցում:
