Անգլիայի չեմպիոն «Մանչեսթեր Սիթիի» պորտուգալացի պաշտպան Ժոաու Կանսելուն կարող է կարիերան շարունակել Մադրիդի «Ռեալում»:
Գերմանական Sport1-ի տեղեկություններով՝ «Արքայական ակումբը» ցանկանում է ձեռք բերել 28-ամյա ֆուտբոլիստին, նրան վստահել պաշտպանության ձախ թևը, իսկ ֆրանսիացի Էդուարդո Կամավինգային տեղափոխել կիսապաշտպանություն:
«Բավարիայի» կազմում վարձավճարով ելույթ ունեցող ֆուտբոլիստը մրցաշրջանի ավարտին կվերադառնա Անգլիա, սակայն կհեռանա մանչեսթերյան ակումբից, քանի որ լարված հարաբերություններ ունի կատալոնացի գլխավոր մարզիչ Պեպ Գվարդիոլայի հետ:
«Մանչեսթեր Սիթին» պատրաստ է 70 միլիոն եվրոյով վաճառել Կանսելուի տրանսֆերային իրավունքը:
Բունդեսլիգայի ընթացիկ մրցաշրջանում Կանսելուն մասնակցել է 13 խաղի, խփել 1 գոլ, կատարել 4 գոլային փոխանցում:
