Մադրիդի «Ռեալը» սկսել է հետարքրքրվել ֆրանսիական ՊՍԺ-ի մարոկկացի պաշտպան Աշրաֆ Հակիմիի ծառայություններով։
El Mundo Deportivo-ն գրում է, որ «Արքայական ակումբը» 25-ամյա ֆուտբոլիստին համոզում է չերկարաձգել գործող պայմանագիրը փարիզյան ակումբի հետ։ Եթե դա տեղի ունենա, «Ռեալը» կփորձի տրանսֆերն իրականացնել 2025թ․ ամռանը։
«Ռեալի» գլխավոր մարզիչ Կառլո Անչելոտին գնահատում է Հակիմիին, որը կարող է ուժեղացնել աջ պաշտպանի դիրքը։
Մարոկկոյի հավաքականի աստղը դեմ չէ վերադառնալ իսպանական ակումբ՝ նույնիսկ ավելի ցածր աշխատավարձով։ Այժմ նա տարեկան շուրջ 10 միլիոն եվրո է ստանում ՊՍԺ-ում, որին միացել է 2021 թվականին։
Հիշեցնենք, որ Աշրաֆ Հակիմին «Ռեալի» սան Է, մադրիդցիների համակարգում եղել է 2006-2018թթ․։
