Մադրիդի «Աթլետիկոն» «Ռեալի» ուկրաինացի դարպասապահ Անդրեյ Լունինի տրանսֆերի համար առաջարկել է 15 միլիոն եվրո: Defensa Central-ի տեղեկություններով՝ «Արքայական ակումբը» մերժել է «Աթլետիկոյի» առաջարկը՝ պահանջելով 30-35 միլիոն եվրո:
Ուկրաինայի հավաքականի 25-ամյա դարպասապահը նախորդ մրցաշրջանում մադրիդյան գրանդի կազմում մասնակցել էր 31 հանդիպման:
Լունինի գործող պայմանագիրը նախատեսված է մինչև 2025 թվականի հուլիսի 1-ը: Transfermarkt-ը նրա տրանսֆերային արժեքը գնահատում է 25 միլիոն եվրո:
