Մադրիդի «Ռեալը» դիտարկում է Դոնեցկի «Շախտյորի» պաշտպան Դոդոյի հետ պայմանագիր կնքելու հնարավորությունը՝ հայտնում է DefensaCentral-ը։

Նշվում է, որ «Ռեալում» 23-ամյա բրազիլացին կարող է դառնալ Դանիել Կարվախալի փոխարինողը։ Դոդոն բրազիլական «Կորիտիբա» ակումբի սան է։ Ուկրաինական ակումբ է տեղափոխվել 2018 թվականին։ Ամիսներ անց գործուղվել է պորտուգալական «Վիտորիա Գիմարայնշ», որի կազմում հանդես է եկել վարձակալության սկզբունքով։ 2019-ին վերադարձել է «Շախտյոր»։ Ընթացիկ մրցաշրջանում մասնակցել է Ուկրաինայի առաջնության 14 խաղի և կատարել 4 արդյունավետ փոխանցում։

«Ռեալը» չի բացառում նաև Ալվարո Օդրիոսոլային վարձակալությունից վերադարձնելու տարբերակը։ Վերջինս այս պահին հանդես է գալիս «Ֆիորենտինայում»։ Իսպանական ակումբը հետևում է նաև Ջեյմսին («Չելսի») և Մուկիելեին («Լայպցիգ»)։