Չեկո Պերեսի օրերը «Ռեդ Բուլում» հաշված են: Ավստրիական կոնցեռնի մեքսիկացի ավտոարշավորդը, ամենայն հավանականությամբ, կլքի թիմը Ֆորմուլա 1-ի Աբու Դաբիի գրան պրիից հետո:
The Race-ի տեղեկություններով, RB Racing-ի պիլոտներ Յուկի Ցունոդան և Լիամ Լոուսոնն են հավակնում զբաղեցնել մեքսիկացու տեղը:
Ավելի վաղ Կատարի Գրան պրիից հետո թիմի ղեկավար Քրիստիան Հորներն ակնարկել էր, որ Աբու Դաբիի մրցումը վերջինը կլինի Չեկոյի ռեդբուլյան կարիերայում:
Ցունոդայի կամ Լոուսոնի «Ռեդ Բուլ» տեղափոխվելուց հետո Ֆորմուլա 2-ի պիլոտ Այզեկ Հաջարը կզբաղեցնի նրանց թափուր թողած հաստիքը:
