«Մանչեսթեր Յունայթեդի» հետաքրքրությունների շրջանակում է հայտնվել «Ռեալի» պաշտպան Սերխիո Ռեգիլոնը:
Marca-ն հաղորդում է, որ անգլիական ակումբը այս օրերին բանակցություններ է վարում մադրիդցիների հետ ֆուտբոլիստի տրանսֆերի հարցով: «Օլդ Թրաֆորդում» ցանկանում են գնել խաղացողի տրանսֆերը, մինչդեռ «Ռեալը» նպատակադրված է կետ ներառել պայմանագրում մեկ կամ երկու մրցաշրջան հետո ֆուտբոլիստին վերադարձնելու համար:
Խաղացողի արժեքը կախված կլինի բանակցությունների ընթացքից, բայց այն կտատանվի 25 մլն. եվրոյի շրջանում:
Նախորդ մրցաշրջանում Ռեգիլոնը վարձավճարով հանդես էր գալիս «Սևիլիայում», որտեղ տպավորիչ ելույթներ է ունեցել:
