Մադրիդի «Ռեալի» պաշտպան Անտոնիո Ռյուդիգերը շուտով կարող է ծնկի վիրահատության ենթարկվել, հաղորդում է Relevo-ն:
Ռյուդիգերը մի քանի ամիս է, որ խաղում է ձախ ծնկի ցավերով։ Ֆուտբոլիստը մենիսկի խնդիրներ ունի, որը լրջացել է վերջին հանդիպումների լարվածության պատճառով։
Ծնկի հնարավոր վիրահատության մասին որոշում կկայացվի մրցաշրջանի ավարտին։ Գերմանացին այժմ ամենօրյա ռեժիմով աշխատում է ֆիզիոթերապևտների հետ՝ առաջիկա հանդիպումներին պատրաստ լինելու համար:
Ընթացիկ մրցաշրջանում 32-ամյա ֆուտբոլիստը անցկացրել է 48 հանդիպում, խփել երեք գոլ:
