Բասկետբոլի ազգային ասոցիացիայի (NBA) կառավարիչների խորհուրդը միաձայն հաստատել է «Լոս Անջելես Լեյքերսի» վերահսկիչ բաժնեմասի վաճառքն ամերիկացի գործարար Մարկ Ուոլթերին, հաղորդում է Reuters-ը:
10 միլիարդ դոլարի գործարքը կլինի սպորտային ֆրանշիզայի պատմության մեջ ամենաթանկ վաճառքը:
65-ամյա Ուոլթերը, որը բեյսբոլի «Լոս Անջելես Դոջերս» ակումբի և կանանց բասկետբոլի «Լոս Անջելես Սփարքս» թիմի (WNBA) սեփականատերն է, հունիսին համաձայնել էր Բաս ընտանիքից գնել վերահսկիչ բաժնեմասը: Բաս ընտանիքը կպահպանի բաժնետոմսերի մոտավորապես 15 տոկոսը: Ջինի Բասը կմնա թիմի կառավարիչ տնօրենն առնվազն 5 տարի:
«Լեյքերսն» NBA-ի 17 չեմպիոնական տիտղոս ունի, զիջում է միայն «Բոստոն Սելտիքսին» (18 տիտղոս):
NBA-ի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում և Fast TV հավելվածում (iOS, Android):
