«Լեսթերի» և Ալժիրի հավաքականի կիսապաշտպան Ռիհադ Մահրեզը ֆեյսբուքյան իր էջում հայտնել է ֆուտբոլիստի կարիերան ավարտելու մասին:
«Բժիշկների հետ խորհրդատվություններից հետո որոշեցի թողնել ֆուտբոլը: Քանի որ իմ ֆուտբոլային կարիերան մոտենում է ավարտին, ցանկանում եմ մի քանի խոսք ասել: Ուզում եմ բոլորին շնորհակալություն հայտնել այս հիանալի քաղաքում ցույց տված աջակցության և բարության համար: Դուք միշտ կմնաք իմ սրտում»:
Նշենք, որ այս ինֆորմացիան պաշտոնապես դեռևս չի հաստատվել: Որոշ բրիտանական ԶԼՄ-ներ ենթադրում են, որ 27-ամյա ֆուտբոլիստի էջը կարող է ենթարկված լինել հակերների հարձակմանը:
Հիշեցնենք, որ Մահրեզը մեկ ամիս առաջ է վերադարձել «Լեսթերի» հետ մարզումներին, որը նա բոյկոտում էր «Մանչեսթեր Սիթի» չկայացած տրանսֆերի պատճառով:
