ՊՍԺ-ի նախկին ֆուտբոլիստ Ժերոմ Ռոտենը քննադատել է պաշտպան Սերխիո Ռամոսին:
«Հանդիպումներից առաջ Սերխիո Ռամոսը հայտարարում է, որ մտադիր է մնալ ՊՍԺ-ում: Հաշվի առնելով, թե քանի հանդիպում է անցկացրել ընթացիկ մրցաշրջանում՝ ինչպիսի՜ անակնկալ: Նա մոռացել է, որ ամսական ավելի քան 1 մլն եվրո է աշխատում:
Այո՛, դու հաղթել ես բոլոր հնարավոր տիտղոսները, սակայն մնալով ակումբում՝ լռի՛ր ու աշխատանքդ կատարի՛ր»,- 44-ամյա ֆրանսիացու խոսքը փոխանցում է Goal-ը:
Հիշեցենք, որ 36-ամյա իսպանացին փարիզյան ակումբի շարքը համալրել է նախորդ տարվա ամռանը, սակայն ընդամենը 6 հանդիպման է մասնակցել ընթացիկ մրցաշրջանում:
Սերխիոյի պայմանագրի ժամկետը նախատեսված է մինչև 2023 թվականի ամառ:
