Ֆրանսիական «Մարսելը» հայտարարել է գլխավոր մարզիչի պաշտոնում Ռոբերտո Դե Ձերբիին նշանակելու մասին:
Իտալացի մասնագետի պայմանագիրը նախատեսված է մինչև 2027 թվականի հուլիսի 1-ը:
«Ես շատ ուրախ եմ, որ պայմանագիր եմ կնքել «Մարսելի» հետ: Ակումբի պատմությունն ու հեղինակությունը, երկրպագուների կիրքն ու եռանդը, ակումբի սեփականատերերի կողմից ինձ ցուցաբերած վերաբերմունքը որոշիչ դեր են խաղացել այս մարտահրավերն ընդունելու որոշման մեջ:
Պետք է օգնեմ թիմին վերականգնել այն դիրքը, ինչին արժանի է»,- ասել է 45-ամյա մասնագետն ակումբի մամուլի ծառայությանը:
Հիշեցնենք, որ Դե Ձերբին 2022 թվականի սեպտեմբերից մինչև 2023/2024 մրցաշրջանի ավարտը գլխավորում էր անգլիական «Բրայթոնը»:
