Մադրիդի «Ռեալի» վինգեր Ռոդրիգոն արձագանքել է թիմակից Լուկա Մոդրիչի՝ ակումբից հեռանալու հայտարարությանը:
«Հայրիկ, այսօր շատ տխուր օր է ինձ և բոլոր մադրիդիստների համար: Մենք իմացանք, որ դու շուտով այլևս «10» համարով խաղադաշտում չես լինելու:
Դժվար է բառերով ասել, թե ինչ մեծ նշանակություն ես ունեցել այն պահից, երբ ես տեղափոխվեցի այս ակումբ: Սովորել եմ քեզանից և՛ դաշտում, և՛ դաշտից դուրս:
Քո բարձր մակարդակը, առաջատարի ձիրքը և նպատակաուղղվածությունը միշտ կմնան իմ հիշողության մեջ:
Շնորհակալ եմ յուրաքանչյուր ժամի, խորհրդի և օգնության համար: Երազանք էր քեզ հետ այսքան տարիներ կիսելը:
Վայելի՛ր կյանքիդ նոր փուլը: Լեգե՛նդ, սիրում եմ քեզ»,- սոցցանցերում գրել է բրազիլացի վինգերը:
Պաշտոնապես հաստատվել է՝ «Ռեալն» ու Մոդրիչը համաձայնության են եկել, որ խորվաթ կիսապաշտպանը կհեռանա ակումբից ամռանն ԱՄՆ-ում կայանալիք աշխարհի ակումբային առաջնությունից հետո:
