Անգլիայի չեմպիոն «Մանչեսթեր Սիթիի» կիսապաշտպան Ռոդրին «Ոսկե գնդակով» այցելել է խաղընկերներին։
Իսպանացի ֆուտբոլիստը նաև տեսաուղերձով դիմել է երկրպագուներին.
«Ողջույն, ես վերադարձել եմ տուն։ Տեսե՛ք` ինչ ունեմ ինձ հետ։ Շնորհակալ եմ բոլորին` աջակցության համար։ Կհանդիպենք շաբաթ»,- 28-ամյա ֆուտբոլիստի խոսքը մեջբերում է «Սիթիի» մամուլի ծառայությունը։
Ռոդրին «Ոսկե գնդակը» «Մանչեսթեր Սիթիի» երկրպագուներին «Էթիհադ» ստադիոնում ներկայացնելու է Անգլիայի Պրեմիեր լիգայի 12-րդ տուրի «Տոտենհեմի» դեմ նոյեմբերի 23-ին կայանալիք խաղից առաջ։
Հիշեցնենք, որ Ռոդրին այժմ ապաքինվում է ծնկի ծանր վնասվածքից։ Նա, ամենայն հավանականությամբ, ընթացիկ մրցաշրջանում այլևս խաղադաշտ դուրս չի գալու։
