Իտալական «Ռոման» մտադիր է կարգապահական պատժամիջոցներ կիրառել հարձակողական ոճի կիսապաշտպան Նիկոլո Ձանիոլոյի նկատմամբ:
Il Tempo-ի տեղեկություններով՝ հռոմեական ակումբը պատրաստվում է իտալացի ֆուտբոլիստին հեռացնել գլխավոր թիմից: Նա ցանկություն է հայտնել հեռանալ ակումբից, սակայն մերժել է անգլիական «Բորնմութի» առաջարկն ու այդ քայլով զայրացրել է «Ռոմայի» ղեկավարությանը:
23-ամյա ֆուտբոլիստը ցանկանում է կարիերան շարունակել Իտալիայի չեմպիոն «Միլանում»:
Ընթացիկ մրցաշրջանում Նիկոլո Ձանիոլոն «Ռոմայի» կազմում անցկացրած 17 խաղում խփել 2 գոլ ու կատարել 3 գոլային փոխանցում:
