Անգլիական «Լիդսի» իսպանացի պաշտպան Դիեգո Լյորենտեն ևս մեկ մրցաշրջան վարձավճարով կանցկացնի «Ռոմայում»:
«Ես հպարտանում եմ, որ շարունակելու եմ լինել այսպիսի մեծագույն ակումբի մի մասը: Երբ հունվարին Հռոմ տեղափոխվելու հնարավորություն ստացա՝ ոչ մի վայրկյան չտատանվեցի:
Վստահ եմ, որ միասին մենք կարող ենք ֆաստատիկ հաջողությունների հասնել»,- Լյորենտեի խոսքը մեջբերում է հռոմեական ակումբի մամուլի ծառայությունը:
Հիշեցնենք, որ Լյորենտեն 2023 թվականի հունվարի 31-ին էր վարձավճարով տեղափոխվել «Ռոմա» և անցկացրած 12 խաղում աչքի չի ընկել արդյունավետ գործողություններով:
«Լիդսի» հետ պայմանագիրն ուժի մեջ է մինչև 2026 թվականի հունիսի 30-ը: Transfermarkt-ը նրա տրանսֆերային արժեքը գնահատում է 12 միլիոն եվրո:
