Սաուդյան Արաբիայի փոխչեմպիոն «Ալ Հիլալը» Սիմոնե Ինձագիին գլխավոր մարզչի պաշտոնին նշանակելու հարցում լավատեսորեն է տրամադրված, հաղորդում է հանրահայտ ֆուտբոլային ինսայդեր Ֆաբրիցիո Ռոմանոն:
Իտալացի մասնագետը հունիսի 3-ին կհանդիպի «Ինտերի» տնօրենների խորհրդի հետ և կքննարկի իր մարզական ապագան: Ինձագին 2021 թվականի հուլիսից է գլխավորում «Ինտերը»:
«Ալ Հիլալը» տարեկան 30 միլիոն եվրո աշխատավարձ է առաջարկում 49-ամյա մասնագետին:
«Ալ Հիլալը» նաև ծրագրում է պայմանագիր կնքել առնվազն երեք հայտնի ֆուտբոլիստների, այդ թվում՝ անգլիական «Մանչեսթեր Յունայթեդի» պորտուգալացի կիսապաշտպան Բրունու Ֆեռնանդեշի հետ, որպեսզի ամրապնդի իր կազմը ՖԻՖԱ-ի աշխարհի ակումբային առաջնության համար։
Հիշեցնենք, որ «Ինտերը» մայիսի 31-ին Չեմպիոնների լիգայի եզրափակիչում 0-5 հաշվով պարտվել էր ֆրանսիական ՊՍԺ-ին, որն իր պատմության մեջ առաջին անգամ է նվաճել ակումբային գլխավոր եվրագավաթը:
🚨🇸🇦 Al Hilal are confident to get the final green light from Simone Inzaghi to become their new head coach.
— Fabrizio Romano (@FabrizioRomano) June 2, 2025
Inzaghi will meet Inter on Tuesday to make final decision on his future but Saudi Pro League side keep waiting with optimism.
Al Hilal, planning to sign +3 top players. pic.twitter.com/adSl8m7CKm
