«Բենֆիկայի» պաշտպան Ալվարո Կառերասը կարիերան կշարունակի Մադրիդի «Ռեալում», տեղեկացնում է հայտնի ֆուտբոլային ինսայդեր Ֆաբրիցիո Ռոմանոն:
«Արքայական ակումբը» ձախ պաշտպանի տրանսֆերի համար տևական ժամանակ բանակցությունների մեջ էր և տեղափոխության համար լիսաբոնցիներին կվճարի 50 միլիոն եվրո:
Կողմերն արդեն հստակեցրել են պայմանագրի բոլոր կետերը: Ալվարո Կառերասը «Ռեալի» սան է, 2020 թվականին իսպանական ակումբից տեղափոխվել է «Մանչեսթեր Յունայթեդի» համակարգ:
22-ամյա ֆուտբոլիստը նախորդ 1,5 տարին ներկայացրել է «Բենֆիկան»: Պորտուգալական ակումբում 68 խաղում պաշտպանը խփել է 5 գոլ և կատարել 6 գոլային փոխանցում:
