«Պարի Սեն-Ժերմենի» ֆուտբոլիստ Մարկո Ասենսիոն կարիերան կշարունակի «Ֆեներբահչեում», տեղեկացնում է ֆուտբոլային ինսայդեր Ֆաբրիցիո Ռոմանոն:
Իսպանացին, որի ծառայություններով հետաքրքրված էր նաև «Ինտերը», արդեն իսկ դրական պատասխան է տվել թուրքական ակումբին: Գործարքի իրականացման համար մնում է միայն ՊՍԺ-ի վերջնական համաձայնությունը:
Ավելի վաղ Ժոզե Մոուրինյոյի գլխավորած «Ֆեներբահչեն» 6 ամսով վարձակալել էր «Ալ Նասրի» հարձակվող Ջոն Դուրանին:
29-ամյա Մարկո Ասենսիոն 2024/25 մրցաշրջանի գարնանային հատվածը վարձակալությամբ անցկացրել էր «Ասթոն Վիլայում», որի կազմում 21 խաղում խփեց 8 գոլ, կատարեց 1 արդյունավետ փոխանցում:
