«Լիվերպուլը» ցանկանում է նոր պայմանագիր ստորագրել ակումբի կիսապաշտպան Դոմինիկ Սոբոսլայի հետ, սոցցանցերում գրում է ինսայդեր Ֆաբրիցիո Ռոմանոն։
Մերսիսայդյան գրանդը բանակցություններ է սկսել հունգարացի ֆուտբոլիստի հետ։ Ակումբը շատ գոհ է 25-ամյա կիսապաշտպանի խաղից։
Բանակցությունները նախնական փուլում են, բայց կողմերը համագործակցությունը շարունակելու հարցում դրական են տրամադրված։
«Լիվերպուլը» մտադիր է նաև բարելավել իր ֆուտբոլիստի աշխատավարձը։
Սոբոսլայն անգլիական ակումբ է տեղափոխվել 2023թ. հուլիսին, 109 խաղում գրանցել է 17 գոլ ու 19 ասիստ։
Անգլիայի Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
