Ստեֆանո Պիոլին, մեծ հավանականությամբ, կհեռացվի «Ֆիորենտինայի» գլխավոր մարզչի պաշտոնից, հայտնում է ինսայդեր Ֆաբրիցիո Ռոմանոն։
Ինսայդեր Նիկոլո Սկիրան էլ սոցցանցերում գրում է, որ պայմանագրի խզման հարցում «Վիոլան» և 60-ամյա մասնագետը բանակցում են։ Իտալացի մարզիչը պաշտոնանկության դեպքում կստանա փոխհատուցում։
Տոսկանական ակումբն Իտալիայի Ա Սերիայի ընթացիկ մրցաշրջանում 10 խաղում ոչ մի հաղթանակ չի տարել և 4 միավորով 19-րդ տեղում է։
Պիոլին այս տարվա հուլիսին է 6 տարվա դադարից հետո վերադարձել «Ֆիորենտինա»։ Նա ակումբը մարզել է նաև 2017-19 թվականներին։
Ա Սերիայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
