Հարավկորեացի հարձակվող Հյոն Մին Սոնը կարիերան կշարունակի ամերիկյան «Լոս Անջելես» ակումբում, հաղորդում է հանրահայտ ինսայդեր Ֆաբրիցիո Ռոմանոն:

Կողմերի միջև ընթանում է բանակցությունների վերջին փուլը: Ավելի վաղ Սոնը հայտարարել էր, որ որոշել է հեռանալ Լոնդոնի «Տոտենհեմից»:

33-ամյա ֆուտբոլիստը 2015 թվականի օգոստոսին էր համալրել անգլիական թիմի կազմը, 454 խաղում խփել է 173 գոլ, կատարել 101 ասիստ։