Անգլիայի Պրեմիեր լիգա վերադարձած «Բարնլին» համաձայնեցրել է պաշտպան Քայլ Ուոքերի տրանսֆերը, հաղորդում է հանրահայտ ֆուտբոլային ինսայդեր Ֆաբրիցիո Ռոմանոն:
Անգլիական «Մանչեսթեր Սիթիի» պաշտպանն առաջիկա ժամերին բուժզննում կանցնի և երկարաժամկետ պայմանագիր կստորագրի «Բարնլիի» հետ:
Եթե Ուոքերը 2025/26 մրցաշրջանում մասնակցի «Բարնլիի» խաղերի 70 տոկոսին, իսկ թիմը պահի տեղը Պրեմիեր լիգայում, «Մանչեսթեր Սիթին» կստանա 5 միլիոն ֆունտ:
Անգլիացին 2024/25 մրցաշրջանի երկրորդ հատվածը վարձավճարով անցկացրել էր իտալական «Միլանում»: 35-ամյա Ուոքերը «Մանչեսթեր Սիթիի» խաղացող է 2017 թվականից:
