«Ալ Նասրի» հարձակվող Կրիշտիանու Ռոնալդուն Փիրս Մորգանին տված հարցազրույցում հիշել է իր՝ «Արսենալ» չկայացած տեղափոխությունը և խոսել լոնդոնյան ակումբի մասին:
«Ճիշտ է, ես մոտ էի «Արսենալ» տեղափոխությանը: Արսեն Վենգերն ուզում էր ինձ իր թիմում տեսնել, ամեն ինչ համաձայնեցված էր, բայց «Մանչեսթեր Յունայթեդն» առաջ անցավ:
Անկեղծ ասած՝ այդ պատմության պատճառով ես երբեք «Արսենալին» որպես մրցակից չեմ ընկալում: Չեմ կարող ասել, թե սիրում եմ այդ ակումբը, բայց ինձ դուր է գալիս, որ նրանք հաղթում են»,- ասել է պորտուգալացին:
