Պորտուգալացի լեգենդար հարձակվող Կրիշտիանու Ռոնալդուն կարիերայի 900-րդ գոլը խփեց: Նա այդ ցուցանիշով պատմության առաջին ֆուտբոլիստն է:
Պորտուգալիայի հավաքականի ավագը պատմական գոլը խփեց 2022թ. աշխարհի առաջնության բրոնզե մեդալակիր խորվաթների դեմ Ազգերի լիգայի նոր խաղարկության առաջին տուրի տնային խաղի 34-րդ րոպեին:
Դա Սաուդյան Արաբիայի փոխչեմպիոն «Ալ Նասրի» 39-ամյա ֆուտբոլիստի 131-րդ գոլն է ազգային թիմի կազմում: Ռոնալդուն Պորտուգալիայի հավաքականի պատմության լավագույն ռմբարկուն է:
«Ոսկե գնդակի» 5-ակի դափնեկիրն ակումբային մակարդակում 450 գոլ խփել է Մադրիդի «Ռեալի» կազմում, 145 գոլ` անգլիական «Մանչեսթեր Յունայթեդում», 101 գոլ` Թուրինի «Յուվենտուսում», 62 գոլ` «Ալ Նասրում» և 5 գոլ` Լիսաբոնի «Սպորտինգում»:
Պորտուգալացիներն առաջին խաղակեսից հետո 2-1 հաշվով հաղթում են Խորվաթիային:
✨🇵🇹 Cristiano Ronaldo🐐 makes history scoring his 900th career goal for club and country#Ronaldo #NationsLeague #UEFA pic.twitter.com/oEpsUEdBxL
— Sriram R (@rk_jai_sriram) September 5, 2024
