«Ոսկե գնդակի» 5-ակի դափնեկիր, պորտուգալացի ռմբարկու Կրիշտիանու Ռոնալդուի՝ տուգանայինից խփած գոլը նպաստեց «Ալ Նասրի» հաղթանակին «Աբհայի» դեմ Սաուդյան Արաբիայի առաջնության 21-րդ տուրի խաղում (2-1):

38-ամյա հարձակվողը գեղեցիկ գոլով աչքի ընկավ 78-րդ րոպեին՝ հավասարեցնելով հաշիվը՝ 1-1: Պորտուգալացին անցկացրեց ամբողջական հանդիպում:

86-րդ րոպեին հաղթական գոլը խփեց տանտերերի բրազիլացի կիսապաշտպան Անդերսոն Տալիսկան, որն իրացրեց 11-մետրանոց հարվածը:

21 խաղից հետո «Ալ Նասրը» 49 միավորով երկրորդն է և մեկ միավոր զիջում է առաջատար «Ալ Իթիհադին»:

Սաուդյան Արաբիայի առաջնություն, 21-րդ տուր

«Ալ Նասր» - «Ալ Աբհա»` 2-1 

Կրիշտիանու Ռոնալդու, 78, Անդերսոն Տալիսկա, 86 (11մ) - Աբդուլֆատահ Ադամ, 26